Um okkum

Leiðreglur fyri sosialar miðlar

Leiðreglurnar eru:

Virðiligt samskifti

Vit eggja til opið og virðiligt samskifti. Viðmerkingar mugu ikki:

• vera hatskar, hóttandi, niðurgerandi, eyðmýkjandi, diskriminerandi o.s.fr.

• nýta grovan og stoytandi málburð

• birta undir vánaligan tóna í kjakinum.

Relevansur ella villleiðing

Fyri at tryggja trúvirðið í samskiftinum góðtaka vit ikki viðmerkingar, sum:

• ikki halda seg til evnið ella avspora kjakið

• innihalda villleiðandi ella rangar upplýsingar um heilsu og sjúku

• breiða upplýsingar, sum ikki kunnu váttast, ella har vísindaligt grundarlag ikki er kent ella staðfest.

Persónsvernd

Vit vilja verja privatlívið hjá fólki og loyva ikki viðmerkingum, sum:

• avdúka persónviðkvæmar upplýsingar so sum p-tal, heilsuupplýsingar o.a.

• umrøða ítøkilig persónsmál.

Reklama og ”spam”

Vit góðtaka ikki viðmerkingar, sum:

• ikki hava ein persónligan avsendara

• bert innihalda leinki

• bera brá av ”spammi” við endurtøkum av ávísum boðskapi

• lýsa fyri ávísum vørum, tænastum e.l.

Verða leiðreglurnar ikki hildnar, loyva vit okkum at strika viðmerkingar undir okkara uppsløgum.

Vangarnir á okkara sosialu miðlum eru ætlaðir til generella kunning og samskifti. Hevur tú neyvari spurningar um heilsufaklig evni, verður víst til:

Heilsustýrið
Eirargarður 2, 2. hædd
100 Tórshavn
Tel. 30 90 60
hst@hst.fo

Vit vilja fegin hava eitt gott og virðiligt samskifti á okkara miðlapallum – takk fyri, at tú tekur lut!