Sól og sólverja

UV-vísital

UV-vísitalið er eitt mát fyri styrkina á UV-strálingini, sum kemur frá sólini. Tess hægri UV-vísitalið er, tess størri er vandin fyri, at húðin og eyguni verða skadd av sólini, og tess styttri tíð tekur tað, til skaði hendir.

15. juni 2026

UV-vísital er eitt hent amboð hjá fólki til at fáa greiðu á tørvinum at verja seg móti UV-strálingini frá sólini. Mælt verður til, at tú verjir teg móti sólini, tá UV-vísitalið er 3 ella hægri.

Les um, hvussu tú verjir teg móti sólini.

Heimsheilsustovnurin, WHO, bólkar virðini fyri UV-vísital soleiðis:

UV-vísital	Styrki	Vandi
Undir 3	Lág	Lítil vandi fyri sólskálding
3-5	Miðal	Miðal vandi fyri sólskálding
6-7	Høg	Stórur vandi fyri sólskálding
8-10	Sera høg	Sera stórur vandi fyri sólskálding
Yvir 10	Óvanliga høg	Óvanliga stórur vandi fyri sólskálding

Í Føroyum er UV-strálingin sum heild lág til miðal. Ljósu summarmánaðirnar liggur UV-vísitalið mitt á degnum javnan á miðal stigi, sum er millum 3 og 5. UV-vísitalið í Føroyum røkkur vanliga í mesta lagi 6 í summarmánaðunum. (kelda: www.nomadseason.com)

Til ber at fylgja við UV-vísitalinum ymsa staðni í Føroyum á heimasíðuni ella appini hjá Veðurstovu Føroya. Kræftens Bekæmpelse hevur appina "UV-Indeks", sum eisini fevnir um Føroyar. Appin sendir tær eina ávaring, tá UV-vísitalið er høgt.